Majilas Dinaye Dǝye Yim Kawu Ǝ Kǝntawu May Yedǝa Yim Nǝm-Kam Hawar Matuwu Dinaye Sa Kǝrezana Kǝla Faida Nǝm-Kǝm Jariradawu Yedǝn Kǝla Fǝrǝm Diwoso Kuru Gǝmnatia Sodǝro Jaridawu Sodǝro Daraja Kǝnjoa Futu Duksur Saa 1991 Ye Fǝlezǝna Yeyi.
Bayan Dowo Jaridawu Dinaye IFJ Dǝye Satuluwuna Ladǝn, Hawar Matuwu 95 Yeyi Saa 2018 Ladǝn Anoskunzaa Firtana Loktu Cidanza Sadin Ladǝn.
Nǝm-Ngǝwu Adǝ Saa 2017 Yedǝa Kozǝna Yaye Saa Ngawoye Kozǝna Dǝyeyi Sǝtǝnyi Loktu Lardǝa Iraq Yea Syria Yeadǝn Saa 2016 Ladǝn Taadir Jaridawu 155 Yeyi Anoskunzaa Firtana.
Saa 2018 Kǝntawu Oktoba Yeladǝn Jaridama Lardǝ Saudiya Ye Jamal Khashoggi Dǝa Lardǝ Turkey Yedǝn Lorutǝna.
Saa 2018 Ladǝn, Lardǝa Dowo Jaridawu Ngǝwu Sarerǝna Sodǝ Sandima Lardǝ Turkey Yedowo Jaridawu 68 Satana, Daji Lardǝ Chinaye Dǝye Jaridawu 47 Satana Lardǝ Egypt Yedǝyen Sandi 25 Satana Kuru Lardǝ Saudiya Yea Eritrea Yedǝyen Sandi 16 Satana.
Tamshi Majilas Dinaye Antonio Guterres Dǝye Bayan Sutuluwuna Ladǝn, Demokradiya Dǝ Tǝmmaro Mowonjinba Bayanna Kalkal Tǝwandin Baro Wollonoa.
Bayan Dowo Fato Dandaal Kura Radio Ye Sǝwandǝna Ladǝn, Hawar Matuwu Kada Mashiwalla Jili-Jili Sorinna Kasharu Yala-Gǝdilardǝ Najeriyaye Nasha Dowo Bǝtǝrǝm Boko Harambe Zamzǝna Ladǝn.