Gəmnati Lardə Swazi Yedəye Bayan Dowo Mai Lardə Dəye Mai Mswati III Dəye Kongawa Soro Amaria Cina Kəla Kamuwa Uwu Goza Au Biya Fato Dayero Leza Sana Dəa Kattuwuzana.
Cima Gəmnatiye Dəye Wada Adəa Ndumaro Sadənyi Adə Nankaro Mana Adə Mana Desəl Sə Bayanzəna.
Bayan Fauduye Adə Kakkadi Hawarre ‘Zambian Observer’ Ladən Sulowo Kuru Kakkadiya Hawarre Kada Walta Bayan Shima Dəa Satuluwuna.
Baraanzə Mai Mswati III Dəa Lardə Də Samma Soa Bayan Dowo Fatoa Hawarre Lardəa Diyaye So, Diwalla Nəm-Kambe So Nashaa Hawarre Gade Soye Mailaro Maidə Sutuluwu Sa Baksana Adəye Zauro Kutturo Fanzana.
Bayan Dowo Cima Gəmnatiye Percy Simelane Dəye Yim Lamissəa Bənero Sutuluwuna Dəye Bayan Dowo Kamu Ngəwu Gone Au Biya Fato Dayero Lene Səna Adə Mairi Dəa Ada Eswatini Yedəa Fal Gənyi Nonguro Sakkə Hatta Cida Jarida Yedəa Nanguro Sakəna.
Kuru Awo Sandiye Gulazana Mbejiro Wollonoa Shima Kamu Uwu Gowomro Wollonoa Gəmnatiye Kərawu Wujir Dəyea Na Naptə Yea Samma Kəlaro Gozəna Sə Bayanzəna.
