Member duwo sha Dachung Bagos lan notǝna ma adaima kuru Jam iya PDP kǝre Plateau be ma diye buruwu nzǝa hafǝsǝna kǝla risǝwa kǝmbu duwo suro hukumaa Gomnatibe ladǝn wakajin diyen.
Adai kuru woktu duwo buruwu dǝa hafǝsǝna ladǝn shiye wono, Kura lardǝbe Muhammadu Buhari diye yim ye kau 30 kǝntau November be ladǝn shiye hukuma duwo risǝwa kǝmbu kǝriutǝma sha ICPC lan notǝna madǝro amaria cina kǝla sandiye hukumaa Gomnati be sodǝa kuru adaima naa cidabe gade dǝan kuntenro sandiye kulassa be kǝlan, taganas maro nasha duwo shuwalla kungǝnaa sǝnana kǝftǝyin sodǝa, Kasamno be so adaima kuru cidau duwo faton kǝntau daji mowoma sodǝn kuntenro kulassa be kǝlan.
Bagos diye gulǝjin ladǝn wono, woktu duwo sandiye kasamno dǝa sorin ladǝn suron shuwalla kadda bayantǝna sǝ shiye kauria sǝdǝna, adai kuru cidaa alama 257 yeyi tuwondǝna ma mbeji sandi duwo asǝlan alaika ro cidaunza tuwondǝnyi ma sǝna, kuru adaima kungǝna kǝntau daji be diye sandiye samuwyin na kashara sǝ shiye bayanna sǝdǝna.
Allan daji kuur shi Kazadala majilis diye kwa Femi Gbajabiamila diye comiti duwo kǝrtǝ ro tǝkǝna madǝro shiye amaria ceno kǝla sandiye suro kau 10 ben kulashi nza dǝa sadǝ adaima kuru woktu banna baaro isa majilis dǝro awoa duwo tuwondǝna sodǝa bayanzǝa sǝ shiye sandiro amaria cina.
