Karafǝka jami kǝrisshan na be lardǝ Nigeria be diye kǝrisshan na amanza sodǝro botǝa sadǝna kǝla kwasa Covid19 be ladǝn.

Share on facebook
Share on google
Share on twitter
Share on linkedin

Karafǝka kǝrisshan na lardǝ Nigeria be dowo sha CAN lan notǝna diye kǝrisshan na sodǝro botǝa sadǝna kǝla marǝtaa sandiye houm ma kwasa Covid19 be dǝro katǝbe dǝa kǝnga masoro walǝza sau kǝlele kǝrismilis be kǝla sǝkǝna diye sǝkǝ wada.

covidDirecta kura karafǝka diye nasha lamarra jamiye adaima kuru dalaminzǝ kǝre Kwara be kwa Shona Ibiyemi shiam shawari adǝa cho bisǝka sǝbdǝa ro woktu dowo amm hawarǝ baratuwu sodǝa zandejin ladǝn nasha bǝrni Ilorin be ladǝn.

Shiye guljin ladǝn wono, shi Kwasa Covid19 be ma adǝ chai baro waltǝ suro lardǝbe ladǝn fǝlamzǝna diye sǝkǝ, jami sodǝbe futu sandǝna ro katappa kotǝna dǝa kǝnga muraditǝna sǝna.

allan kuru shiye jami kǝrishan nabe dǝa kuru adaima churhciya nasha kǝre diye ya dǝn kuntenro botǝa sǝdǝna kǝla sandiye nzambu fuska be ladǝn faidata be kǝlan.

Adǝma dam man kuru sandiye Gomnati dǝro botǝa sadǝna kǝla shiye cizǝ tarai dazǝ kǝla amm kasuwu be sobe dǝa, sandi drebaa baburǝ be so gade gafsǝna nza sodǝn kuntenro kǝlaa fazǝ nankaro sau tartippa sandǝna dǝa sandiye kǝnga nankaro wono.

Adai kuru nahsaa gade gafǝsǝna alama adin be sodǝn kuntenro wono, taaganas maro shi Masjidi dǝa kuru chuchi sodǝn kuntenro.

Allan shiye waltǝ tawadǝa ceno kǝla sandiye bǝne ba kausu baa ro dunonzabe sadin nasha chochi sodǝn kǝla jami ita fatǝbe ladǝn wono sau katappa kokǝtna dǝa sandiye kǝnga nankaro.

Daren dajiro shiye waltǝ Gomnati dǝro botǝa sǝdǝna kǝla houmma dunaa ma kokǝsǝ be kǝlan sau amm done katap gotǝna sodǝa farǝzaya sandiya houmtǝ nankaro sǝ Gomnati dǝro kaurinzǝa hazǝna.

Download Our App from the Google Play Store

--:--
--:--
  • FM Stream
  • Shortwave

--:--
--:--
  • FM Stream
  • Shortwave

Latest news

Leave a Reply