Karafǝka Borno Alumni Association be diye zorǝ nzǝa fǝlezǝna kǝla kwa Magu dǝa cidan sau be ladǝn.

Share on facebook
Share on google
Share on twitter
Share on linkedin

Karafǝka laa dowo sha Yerwa Practicing Primary School Alumni Association lan notǝna madǝbe bayan laari au shara Justice Salami be dowo kwa Ibrahim Magu dǝa cidanzǝ risǝwa kǝmbu kǝriutǝbe ladǝn saube dǝro kalǝ sakǝna.

Adaima kuru sandiye futu sandǝna ro houm sodǝa kamza kuru adaima lamarǝ kǝla rǝaki be suron baro wallonowa shi kwa Magu adǝa kam ayau baro asuzayin sǝna.

Wawurǝma karafǝka diye Alhaji Alhassan Abubkar Sultan shima buruwu adǝa hafǝsǝ yim zǝmaro woktu dowo samno hawarru be dina be dǝa sadǝna lan suro bǝrni Yerwa be ladǝn,

Shiye gulǝjin ladǝn wono, karafǝka Alumni Association lan notǝna ma adǝbe futu sandǝna ro shi Magu adǝa zazakǝcin be kuru shiro dazǝyin be sǝna, adaima kuru suro kaurinzǝ be ladǝn mbeji kǝla sandi jami karafǝka diye ya kuru Magu dǝa dǝ fantayin tussǝna sǝna nabtǝ majirra maranta au aji falǝ ben sǝ shiye kauria sǝdǝna, saun adbero shiye bayanna sǝdǝna kǝla nduma kurisǝ done amma risǝwa kǝmbuwa kǝriutǝbe dǝa sandǝna bas hi Magu dǝ gǝnyi ya sǝna dalil nzǝdǝ sandiye sha sassana diye sǝkǝ sǝ kaurinzǝa hazǝna.

Shi Sultan diye waltǝ chai baro kauria sǝdǝna kǝla lamarǝ shima dǝa waltǝm nanmǝm kuru nankaro kǝla sha wofisǝ nǝ ladǝn dutǝbe dǝ yayiro sǝna, adaima kuru gultǝnzǝ ladǝn wono, Magu diye darajanzǝa kuru marǝtawanzǝa kwamiyayi kara affima suron falǝtyin sǝ tawadǝa cina.EFCC BOSS IBRAHIM MAGU

Download Our App from the Google Play Store

--:--
--:--
  • FM Stream
  • Shortwave

--:--
--:--
  • FM Stream
  • Shortwave

Latest news

Leave a Reply