Jami sodǝbe karimi kwasa Covid19 be ladǝn faidatǝ badizana.

Share on facebook
Share on google
Share on twitter
Share on linkedin

Daudi lamarra kwasa Kuri-kuri miye kaltǝma nasha Lardǝa Africa be diye kauria sutuluna kǝla lardǝa ngǝwu suro Africa be ladǝn karimi kwasa Covid19 be ladǝn faidatǝ badizana be kǝlan.

Adai kuru directa daudi diye Dr John Kengasong diye kauria sutuluna kǝla amm alama 116,000 yeyi kwasa diye zǝamzǝna adaima kuru sandi kam 2.387 yeyi lorǝzǝna sǝna suro mauwa kozǝna yedǝn nahsaa sandima ladǝn sǝ kauria sǝdǝna.

Shiye adǝa bayangano woktu dowo samnonza mau-mau be kǝla kwasa Covid29 be ladǝn sadin diyen, kuru adaima shiye waltǝ bayanna sǝdǝna kǝla alama 21na 17% yeyi tǝrana nasha kwasa diye jami sodǝa zǝamtǝbe ladǝn adaima kuru sana 8.7%-a yeyi lorǝzǝna sa sǝna.

Suro kǝntau August be ladǝn sǝta December dǝro sutǝna ladǝn, gananzǝ yayi kam alama duu 15 yeyi dawarǝtana nasha lardǝa Africa be alama Burkina Faso, Côte d’Ivoire, Democratic Republic of the Congo, Ethiopia, Gabon, Kenya, Malawi, Morocco, Niger, Nigeria, Senegal, SA, Sudan, Tunisia, and Uganda be dǝan kuntenro affima gade nankaro gǝnyi illaa sau kurun karimibe kwasa Covid29 be dǝa sandiye mowo nankaro.

Adai kuru sandiye bayanna sadǝna kǝla amm dowo nashanza so ladǝn amm gade kwasa diye lorǝzǝna nozana mbeji sodǝ sandima karimi kwasa diyero zǝktana wo sǝna sandi gade dowo ngawon amm gade lorǝzǝna sorǝnyi so dǝ yayiro sǝna.

Haka zaa kuru sandiye walǝta bayanna sadǝna kǝla lardǝa Africa be dowo naa kozǝna ro kwasa dǝ fǝlamzǝna diye kǝlan, gulǝzayin ladǝn wada kate kau 7 lan sǝta 13 ro satǝna kǝntau adǝbe dǝa lan lardǝ South Africa bedǝ zaumaro naa kozǝna dalil nzǝdǝ kam alama duu 43,399 yeyi nasha shima ladǝn zǝamzǝna diye sǝkǝ wono, daji kuru ngawonzǝ ladǝn lardǝ Morocco be nadowo kam 19,952 kawasa diye zǝamzǝ, nasha lardǝ Tunisia be diyen kam 7.429 sǝta, Uganda lank am 4,566 sǝta daji kuru Libya ladǝn kam 4,260 sǝta sa sandiye bayanna .

Adaima kuru sandiye futu bayanza ladǝn watǝ woson nasha Botswana (135),South Africa (114), Libya (92),Tunisia (90), Namibia (80),Morocco (78). Yeyi sǝtayin sa sandiye walta bayanna sadǝna.corona vaccine

Download Our App from the Google Play Store

--:--
--:--
  • FM Stream
  • Shortwave

--:--
--:--
  • FM Stream
  • Shortwave

Latest news

Leave a Reply