Gomna k3re Borno be Prof. Babagana Umara Zulum diye bis3ka talauwa ro maranta laa-a kuru adaima daudi lamarra n3lewai ya kuntenro f3r3mz3na nasha huumana Askira Uba be lad3n.
Adai kuru marantaa diye sandima maranta Gomnati be nasha Yamirali be dowo sha Comprehensive Junior Secondary School lan botin d3a, daji kuru daji shi fal3 nasha Rumirgo be dowo sha Government Secondary School.
Adai kuru shi Gomna Zulum diye daudi laa nasha lamarra n3lewai dowo del 50 wa d3a f3r3mz3na nasha Wamdio huumaa Askira Uba be lad3n, adai kuru affima gade nankaro g3nyi nashaa sandima ad3a f3r3mgano illaa sau lamarra n3lewai d3ro duno yira nankaro wono.
Ad3man daz3nyi shiye walt3 chai baro gar3 fatowa sandi 300 yeyi k3r3t3 ro s3k3na nasha Rumirgo be lad3n be k3lan hawarra tuwond3na.
Adai kuru shi Gomna diye k3ntau 6 kamz3 sandi cidau sod3ro sau gar3 shima d3a tamot3 nankaro wono.
Jami nasha Askira Uba be diye shi Gomna Babagana Umara Zulum d3ro ask3ra nz3a f3lezana sau shiye sandiro daudi lamarra n3lewai d3a kuru adaima maranta son kuntenro fr3mz3na nankaro.
Haka zaa kuru shi Gomna Zulum d3ro jami nasha diye ye shim titi so sad3na sau shiro kur3no nz3a f3let3 nankaro.
Daji kuru hawarra tuwond3na k3la shi Zulum d3a senata nasha south be d3a wakilt3ma kwa Muhammad Ndume d3a, kuru Party chairman Ali Bor Dalori d3a, Membaa majilis rashidiya be d3a adaima kuru comisionaaa kuru amm kuraa Gomati be gade gaf3s3nan kuntenro sha sar3tuwu nasha huumana Askira Uba be d3ro leyeno wada.
