Gəmnati Lardə Najeriya Yedəye Kungəna Taadir Naira 20,000 Yedəa Samtə Badizəna

sadiya umar faruk
Share on facebook
Share on google
Share on twitter
Share on linkedin

Gəmnati Lardə Najeriya Yedəye Kungəna Taadir Naira 20,000 Yedəa Fatoa Duno Ganaa Sodəro Suro Lardə Yedən Samtə Badizəna.
Shiye Jawawu Cinzə Yea Huwumana Kwali Bərni Kura Lardə Ye Abuja Ye Nadowo Kungəna Dəa Samtə Badizana Ladən Bayanjin Dən, Minista Kəji Fantəa, Mashiwal Kaltəa Kuru Fuwutəa Ye Sadiya Umar Farouq Dəye Kungəna Adəa Samtənza Də Ngawo Kura Lardə Najeriya Ye Muhammadu Buhari Dəye Sandiro Amaria Cina Ladən Badiyada Sə Bayanzəna.
Farouq Dəye Suro Bayanzə Yedən, Gəmnati Dəye Kungənaa Adaima Karea Atambea Fatoa Duno Ganaa Sodəro Samjin Loktu Dowo Gəmnati Dəye Jami Sodəro Faton Napsa Səna Adən Səna.
Shiye Gultənzən, Kare Atambe Adəa Kəre Lagos Yea, Bərni Kura Lardə Yea Kuru Kəre Ogun Yedowo Buhari Dəye Amaria Sandiro Cina Kawu 14 Faton Napsa Səna Dəro Samzan Sə Bayanzəna.
Farouq Dəye Gultənzən Bana Dowo Gəmnati Dəye Jami Soro Sədin Adəye Mashiwal Jami Soye Sabab Kasuwa Kuli-Kulimi Coronavirus Ye Adən Gasayim Dən Sandiya Banajin Səna.

Download Our App from the Google Play Store

--:--
--:--
  • FM Stream
  • Shortwave

--:--
--:--
  • FM Stream
  • Shortwave

Latest news

Leave a Reply