 Gomna Babagana Umara Zulum kǝre Borno be diye kungǝna taadirǝ Billion 12 yeyi cina sau kungǝna cidau dina be sandi kam 4,862 be dǝa biya nankaro.

ZULUM-INAUGURATE-COMIITE
Share on facebook
Share on google
Share on twitter
Share on linkedin

Gomna kǝre Borno be Prof. Babagana Umara Zulum diye kauria sutuluna kǝla shiye kungǝna taadirǝ billion 12 yeyi cina ben sau kungǝna gratutu be cidau dina sandi kam 4,862 be dowo saa 2013 be ladǝn sǝta saa 2017 sutǝna dǝa kǝnjo nankaro.

Adai kuru takǝtin ro wallonowa shi Zulum diye kungǝna alama Billion 3-a sutuluna suro kǝntau June be ladǝn sǝta September ro satǝna saa 2019 be ladǝn affima gade nankaro gǝnyi illaa sau kungǝna gratutu be cidau alama kam 1,684 ye dǝa kǝnjo nankaro sandi done cida sodǝa kolzǝana alama kate saa 2013 ye ladǝn sǝta 2019 dǝro sutǝna ma.

Shi Zulum diye kakadǝ shada diye ya cidau dina laa sodǝro bayanjo suro Gomnari bǝrni Yerwa be ladǝn, adaima kuru shiye bayanna sǝdǝna kǝla kungǝna shima adǝbe kusu ro cimowo suro bai tǝmbal Zenith Bank be bǝrni Yerwa be ladǝn sǝ shiye bayanna sǝdǝna.

Adai kuru kǝla kungǝna Pensho be ladǝn manajin ladǝn shiye bayanna sǝdǝna kǝla kate kǝntau May saa 2019 na ladǝn sǝta kuro sutǝna ladǝn shuwalla kungǝnanza Pensho be kǝlan jami alama 770 yeyi ro buruwunzǝa hafǝsǝna adaima kuru suro ladǝn alama kam 650 yeyi d3a sasǝana kuru sandiye kungǝna nza so fando badizana kuru kungǝnaanza gade kǝftǝna sodǝbe ya jezayin na kashara sǝna.

Adai kuru wakilǝ nde laa be andero hawarra lufǝsǝna kǝla shi lamarǝ kungǝna Gratutu be biya dǝ shuwalǝ kura ro walzǝna suro lardǝ Nigeria be ladǝn adaima kuru shi Gratutu adǝa sandi cidau dowo dina sodǝro sadin ma affima gade nankaro gǝnyi sau sandiye cidaanza kurebe saa kadda ro kǝndozana sodǝbe kǝlan kurǝno nzǝa fǝletǝ nankaro.

Download Our App from the Google Play Store

--:--
--:--
  • FM Stream
  • Shortwave

--:--
--:--
  • FM Stream
  • Shortwave

Latest news

Leave a Reply