Karapka Fatoa Hawarre Yala Lardǝ Najeriya Ye NMF Dǝa, Am Dowo Lamar Dǝ Dawunzanna Sodǝye Ciza Tarai Daza Jami Yala Lardǝ Yedǝ Nankaro Mashiwal Kam Ndaltǝ Yeso, Loru So Mashiwalla Sandiya Wuzǝna Sodǝa Tamotǝrammo Saudin.
Bayan Dowo Kazadala Karapka Dǝye Dan Agbese Dǝye Maila Ro Sutuluwuna Ladǝn, Karapka Dǝ Karǝngǝ Adǝmaro Samno Laa Kǝla Nzǝrifoba Nasha Roa Lǝmanna Yala Lardǝ Yedǝro Katablaa Gotǝ Nankaro Sadǝna Tayenzǝ “Mashiwal Nzǝrifoye: Yala Liyiyau” Sǝ Bayanzǝna.
Karapka Dǝye Karu Kuttanzǝa Bayanzǝna Kǝla Futu Gǝmnatia Kǝreye So Gǝmnati Kura Lardǝ Yeso Dǝye Jami Soro Tawadǝ Nǝlewaye Sambiman Sadinba Adǝye Sǝkkǝ Jami Sodǝ Tǝmmaro Gǝmnati Sodǝa Mbǝrsazanyi Ro Walzǝna Kǝla Jaminzǝa Raksǝ Sǝliwinba Yedǝn.
Nasha Yala Yedǝn Kǝrmaro Mashiwal Nzǝrtaliwu Boko Harambe Sandiya Zǝksǝna Lamar Dowo Siyasa Kambaiya Kuru Rishiwa Kǝmbua Dǝye Konnunzǝ Sǝrana Ma Kuru Galiwua Tala-A Samma Nzǝrtaliwu So Kam Ndaltǝma Soye Zǝksana.
Karapka Dǝye Bayanjin Dǝn Kuran Lardǝye Kurisso Kǝmbanzǝ Kǝn Indimi Adǝ Ngawana Kǝntaa Nzasara Jami Yala Yea Dǝye Sǝkkǝ Taidazǝ Shiro Kuriya Sadǝna. Kǝrmaro Bǝlanza Maye Nzǝrtaliwu So Kam Ndaltǝ Sodǝye Zǝksǝna.
Karapka Dǝye Allo Suttuwu Kura Lardǝye Muhammadu Buhari Dǝa Gǝmnaa Kǝrea Yea Samma Soa Bowozana Kǝla Sandiye Katabba Dowo Jami Sodǝa Nzǝtkawoye Goza Yedǝn.