Jami Bǝladiya Jakana Yedǝa Ba Askǝrra Soye Bǝlanzaro Kalaksana

jakana
Share on facebook
Share on google
Share on twitter
Share on linkedin

Askǝrra Lardǝ Najeriya Yedǝye Jami Bǝladiya Jakana Huwunama Konduga Kǝre Borno Yala-Gǝdi Lardǝ Najeriya Yedǝa Ba Bǝlanzaro Kalaksana Ngawo Buron Sandiya Naptǝram Am Dowo Majarawaye Zamzǝna So Bakasi Bǝrni Yerwa Yedǝro Saterǝ Saudǝ Kawu Yaskǝ Sadǝna Yedǝn.
Taktinno Wollonoa, Bada Askǝrra “Operation Lafiya Dole” Yedǝye Am Bǝladiya Jakana Yedǝa Saterǝ Kampu Hijirawuye Bakasi Yedǝro Saudǝna Sandiye Nasha Dǝn Kulashi Soa Sadin Nankaro Kuru Jami Sodǝa Yerwa Dǝro Kudo Dǝye Ronza Yitkawo Nankaro Sado.
Loktu Am Adǝa Tero Yedǝn, Kazadala Askǝrra Badar Kǝn Tulurmi Askǝrra Lardǝ Najeriyaye Brid.-Gen. Sunday Ikinom Wanhia Dǝye Jami Sodǝa Bowozǝna Kǝla Sandiye Ngawana Kǝntanzaa Askǝrra Sodǝro Sadǝ Bayanna Faidaa Sandiro Kǝnjo Ladǝn Sǝna.
Kuru Askǝrra Sodǝ Tǝmmaro Dazanba Suro Kasadǝnza Nzǝrtaliwu Sodǝa Nasha-A Samma Son Gǝrnǝm Baro Diwo Yedǝn Sǝ Bayanzǝna.
Shiye Allo Suttuwu Jami Jakana Yedǝa Zazaksǝna Kǝla Futu Sandiye Isa Kampu Hijirawuye Bakasi Yedǝn Napsa Kuru Ngawana Kǝntanzaa Askǝrra Dǝro Sadǝ Nzǝrtaliwu Sodǝa Kǝriwuzana Yedǝn.

Related stories

Leave a Reply