Shugaba Buhari ya amince da filayen jirgin sama hudu a matsayin yankuna na tattalin arziki na musamman.
Filin jirgin da aka amince dasu sune Murtala Muhammed International Airport, Lagos; Filin jirgin saman Port Harcourt, Rivers; Filin jirgin saman Malam Aminu Kano, Kano da Nnamdi Azikiwe International Airport, Abuja.
Ministan Sufurin Jiragen Sama, Hadi Sirika ne ya bayyana hakan cikin dare a shafinsa na Twitter da ya tabbatar.
Ministan ya wallafa a shafinsa na Twitter cewa yana matukar farin ciki da sanar da cewa Shugaban kasa ya Amince da Filayen Jiragen Sama na Kasa da Kasa guda hudu a matsayin Yankuna na Musamman na Tattalin Arziki.
Dandal Kura Radio International ta lura cewa Sirika a ranar Laraba ya tabbatarwa da ‘yan Najeriya cewa jirgin saman kasar zai fara aiki a farkon kwata na 2022.
Ya kuma bayyana cewa har yanzu yana kan gaba, suna dawowa majalisar zartarwa ta tarayya, a cikin makonni biyu masu zuwa don gabatar da bayanan a kan jigilar ƙasar.
Ya ce sun je majalisa ne don su amince da tsarin kasuwancin na jigilar kamfanin sannan majalisar ta tayar da wasu tambayoyin ta nemi su je su sake yin bayanin sannan su dawo da shi.
Ya kara da cewa idan majalisa ta amince da shi zasu gudanar da cikakken batun kasuwancin, wanda zai zuwa kasuwanni sannan kuma da kafa kamfanin jigilar na ƙasa.
