Gǝmnati kura lardǝ najeriya yedǝye, fasal dowo am kasuwa kange Lassaye tiyinzan mbejiro tawattǝna dǝa desǝllo raitǝye kǝrtǝro sakǝna sǝ darekta kura dawudi kasuwa kulashiye lardǝ ye dr. chikwe ihekweazu dǝye bayangono.
Shiye guljin dǝn, dalil fasal adǝa kǝrtǝro yikko yedǝ affima gadero gǝnyi illa wande am dowo kasuwa dǝ tiyinzan mbeji sodǝ mashiwal kungǝna ye sandiya raitǝro dapsǝnyi.
Ihekweazu dǝye jami lardǝ ye samma soa bowozǝna kǝla sandiye katabba kasuwa dǝnnzǝtkawoye alama kǝmbu futu ngalwon gǝnatǝ so, kor kadawu ba’an kǝndaa so njulwa so samma son kǝlanzaa satkawu ro.
Adaima shiye suro bayanzǝ yedǝn, kam sodǝ wande nǝm-baro kǝrtanyi, shi nǝm-ngǝla dǝ zaumaro faidaa kuru tǝlambi mananǝmin yaye adǝma awo dowo dim kasuwa dǝn tǝkaaminno.
Adaima kurun kasuwa dǝa cejinma ribalvin dǝ taidazǝ zau yaye, kurun shima dǝa kam dowo kasuwa dǝye zamzǝna dǝro desǝllo sadin sǝ tawadǝa cina.
sKuru huwuma NCDC yedǝye jami soro barotǝna wande awo dowo sandiya kasuwa dǝa kǝljinma dǝro letanyi attǝye affima gadero illa jiliyiro dina ladǝn kurun dǝa tǝwandin man kambe ngajinye tawadǝ tǝmmaro bawo sǝ bayan