Dandal Kura Radio International Kanuri: Kowu’o Fal Kanuri Milion Mew’wu Kla
Kanuri Miliyan Goma, Murya Daya
Dandal Radio 98.9FM Voice for Peace
Dandal Kura FM 98.9 Kowo’u nabtu N3l3fay3
Dandal Kura FM 98.9 Muryan Zaman Lafiya

--:--
--:--
  • FM Stream
  • Shortwave

Askərra Lardə Najeriya Yedəye Nzərtaliwua Boko Harambe Sodəa Loruzana

THE TROOPS OF OPERATION LAFIYA DOLE
Share on facebook
Share on google
Share on twitter
Share on linkedin

Huwuma Askərra Lardə Najeriya Yedəye Suro Kasadənza Nzərtaliwua Boko Harambe Dəa Nasha Yala-Gədi Lardə Yedən Kəriwutə Yedən Kənasar Gana Gənyi Sawandəna.

Badar Askərra Ye Dalaminzə ‘Operation Lafiya Dole’ Yedə Yim Kawu 16 Kəntawu Nobemba Yedəaro Bəladiya Dalu Nasha Kau Mandara Ye Huwumana Gwoza Kəre Borno Yedən Bayanna Sawandəna Kəla Nasha Dən Nzərtaliwua Sodə Mbeji Yedən Adən Sandiye Leza Nasha Dəa Tarrada.                                                                                                                                                               

Tawadə Maro Bayanna Sawandəna Adən Faidatana Ladən, Nzərtaliwua Allah Baraa Səkkə Loruzana.

Adaima Badar Dəye Bəladiyaa Gade Soyen Nzərtaliwua Allah Baraa Səkkə Loruza Kuru Kəshanaa Yaskəa Duli Sənana Diyauwa Nzərtaliwua Dəye Sata Rozana Sodəa Samowuna.

Sandi Am Samowuna So Adə Kərmaro Sandiya Na Ngəlan Gənazana Kuru Duli Sənana Dəye Kurun Kalimi Ye Bada Liyitari Ye Huwuma Askərra Dəye Sandiro Sadinna Kasharu.

Kusku Kərma Yedəroa Nasha Askərra Sodəyen Nduma Zauso Fanzəna Bawo, Son Yaye Nasha Nzərtaliwua Yedən Sandi Allah Baraa Səkkə Lorutana Kuru Sandi Gapsəna Maso Dəye Tiyin Kungu Bunduwu Yea Sak Kau Mandara Yedəro Sowosə Lezana.                                                                              

Kazadala Askərra Ye Tukur Buratai Dəye Jami Mewu Soro Tawadəa Cina Kəla Huwuma Askərra Yedə Təmmaro Dajin Baro Nzərtaliwua Dəa Kəriwujin Hatta Sandiya Gərza Baro Sadin.

Related stories

Leave a Reply