Askǝrra Sodǝ Lardǝ Sudan Yedǝn Saa Indiro Kǝrmai Dǝa Rozan Kawu Karnowo Dǝro

sudan-flag-small
Share on facebook
Share on google
Share on twitter
Share on linkedin

Kazadala Askǝrra Lardǝ Sudan Yedǝ Ba Cida Gǝnazǝna Kawu Fal Ngawo Shiye Nǝm-Fuwuma Am Dowo Kǝrmai Omar Al-Bashir Yedǝa Wazana Sodǝa Wakilzǝ Sha Kǝrmai Ladǝn Dunon Sasawuna Yedǝn.
Minista Cidaram Nzǝrifoye Awad Ibn Auf Dǝye Fato Telebijinne Suro Fato Yedǝn Manajin Ladǝn, Lt.-Gen. Abdel Fattah Abdelrahman Burhan Dǝ Shima Sha Waratajin Sǝ Bayanzǝna.
Askǝrra Sodǝye Bayan Dowo Satuluwuna Ladǝn, Sandidǝ Kǝrmai Dǝn Saa Indiro Napsan Kawu Karnowo Dǝro Sana.
Son Yaye Am Dowo Hangal Sasangǝna Sodǝye Diwal Sodǝa Kolzan Ba Hatta Sai Askǝrra Sodǝye Kǝrmai Dǝa Demokradiyaro Sadiya Dowo Sana.
Bashir Dǝye Kǝrmai Lan Zǝptǝnzǝ Dǝ Ngawo Jami Sodǝye Hangal So Kǝntawu Disemba Yedǝn Sango Badizana Ladǝn Zǝpkono.
Kam Dowo Kǝrmai Dǝro Bǝlinno Zuwana Dǝ, Suro Askǝrra Yedǝn Shidǝ Kuraye Kuru Kam Jirea Lintaye Sǝ Fatoa Hawarre Sodǝye Bayanzana.
Mr. Bashir Dǝ Kǝrma Dǝroa Sha Shararam Kura Lardǝa Dinaye ICC Ladǝn Buruwuzana Kǝla Aiwua Alama Bǝtǝrǝm Darfur Yedǝso Dǝn.
Son Yaye Askǝrra Sodǝye Bashir Kwa Aiwua Adǝa Kǝlaro Gotǝro Wazǝna Dǝa Kolzan Bas Ha Shararam Sudan Yedǝro Sakin Sana.
Adaima Askǝrra Sodǝye Bayanza Buro Hawalye Satuluwuna Ladǝn Sandiye Kǝrmai Mazan Sa Jami Soye Fane-Fane Sadǝna Dǝa Kambiyizana, Sandidǝ Fuwutǝ Lardǝ Yedǝma Mǝradǝnzawo Wada Koktǝa Sa Bayanzana.

Related stories

Leave a Reply