Darea Lardǝ Najeriya Yedǝye Am Laa Lamar Cidawu Fato Telebijinne ‘Channels’ Yedǝa Ndaltǝn Muskonzaa Dǝa Satana Hatta Balimia Son Kunten.
Kura Darea Ye Bayan Adǝa Sǝdin Ladǝn, Sandiye Aiwua Jiliyi Yaye Suro Lardǝ Yedǝn Baro Sadin Taanas Maro Aiwu Kam Ndaltǝ Yea Wuzǝna Dǝa Gade Gapsǝnanzǝa.
Darea Sodǝ Loktu Cidanza ‘Operation Puff Adder’ Yedǝro Yim Kawu 9 Kǝntawu April Saa 2019 Ye Alama Sa 6:30 Suwayen Saluwuna Ladǝn Am Dowo Cidama Fato Telebijinne ‘Channels Ye Mr. Friday Okeregbe Dǝa Ndalzana Sodǝa Muskoro Cata.
Sandi Am Satana So Adǝ Sandima Hanniel Patrick Ngǝli 29 Kǝre Akwa Ibom Yedǝa, Abdulwahab Isah Ngǝli 28 Kuru Salisu Mohammed Ngǝli 32 Sandi Indiso Kǝre Kogi Yedǝa, Adaima Am Satana So Adǝye Bayanna Faidaa Darea Dǝro Sadǝna.
Kǝrma Dǝroa Kulashiye Fǝlezǝna Mr. Friday Dǝ Shigǝnyi Am Adǝa Buron Ndalzaiya Sarawu.
Darea Dǝye Na Am Adǝyen Bunduwu Dǝlǝm-Kangeya So, Bunduwu AK47 Dǝso, Arsasǝ So Bulimia Gade Gapsǝnaa Sawandǝ Samowuna.
Skura Dareaye IGP M.A. Adamu Dǝye Allo Suttuwu Jami Soa Bowozǝna Kǝla Ngawana Kǝntanzaa Dareaso Cidawu Nzǝrifoye Gade Gapsǝnaa Soro Sadǝ Am Dowo Muskon Bulimia Sodǝa Gǝrza Baro Sadǝ Yedǝn.